توجيهي.....................او توجيعي

الفيلم المرعب(التوجيهي)

أنا مش بس طالب توجيهي .. .أنا التوجيهي طالبني كمان

الكل بيقلي خليك بدراستك ...فش زي الشهادة بهالزمان

انسى الطشات والسهرات.. .كأنك سجين والكتاب هو السجان

لا تشوف قرايب ولا صحاب ... لا تروح عالمطعم ولا عالدكان

اتغدى قوانين واتعشى معادلات... واشرب كاس من مرارة الامتحان

لا تلفزيون ولا كمبيوتر ... ولا حتى تلعب مع واحد حيوان

حتى الروحة على الحمام ... قبلها استدعى وبعدها اصدار بيان

نام متأخر واصحى مبكر.. .وجهك غسل واحلق بمعجون سنان

كامل فاضل ادرس ناضل ...قلمك حامل في وجه العدوان

ثابر تابع دراستك راجع ... لربك راكع انت وحدك كسبان

داوم واجه المشاكل قاوم ...كون عالم بعمرك ما بتنهان

ازا نجحت بتنفع حالك ... وازا بترسب ما بينفعم انسان

وقت الجد جد ومافي مزح ...انت مش عايش بعصر الرومان

امشي مع شباب درّيسة ... وسيبك من شلة الزعران

روّح على الدار طوّالي ... وفكك من معاكسة النسوان

هو صحيح الشغلة بتسلي ... بتشفي العليل وبتفرح الزعلان

بس التوجيهي تحدي ... ما بفوز فيه الا الزكي الفهمان

بكرة بتقول يا ريتني درست ... يا ريتني سمعتك وما كان اللي كان

بيقولك أبوك : يابا ياحبيبي ...ازا بتنجح بسفّرك علصين وعاليابان

وبجيبلك سيارة آخر موديل... B.Mأو فراري أو حتى نيسان

وازا بتحب بجوزك أحلى بنت...حتى لو كانت بنت كوفي عنان

انت بس انجحوارفع راسي... ولا تفضحني بين الأهل والأخوان

ركّز بالحصة مع استازك ... تقضّيهاش لعب وسرحان

وبينزل فيك نصايح ... تقول واقف قدام لقمان

يا طلاب التوجيهي الأعزّاء .. .احلفكم باللله وبالأنبياء وبالقرآن

فش أحلى من النجاح ... حتى لو بيقلّعلك عين أو بيطيّرلك دان

لا ترسب وتعيد السنة ... تخلّيش واحد يكون فيك شمتان

بلاش تكون آخرتك بويجي ... أو صاحب بسطة أو بيّاع

مشكور على الموضوع الرائع