تموت الورده الحمرا وحبك باقي ٍ مامات

من طرف **دموع الحب** في 2008-06-28, 10:21

تموت الورده الحمرا وحبك باقي ٍ مامات
تضيع اغلا الرسايل والغلا في قلب راعيها
تغيب احلا الليالي والعمر ياصاحبي مافات
وانا ماهمني غير انت باولها وتاليها
وصوفك تلفت قلب المعذب يافريد الذات
ومثلك ماقدر نفسي يزعلها ويرضيها
عيونك حور وخدودك زهر ورموشك امضلات
وعنقك عنق ريم ٍ لو رمى القنيص يخطيها
معك تلعبي افكاري شرى ماتلعب الموجات
تبعدني وتدنيني الى ضافي شواطيها
وانا مالي عزا دونك يكود مجاذب الونات
كما ونة غريب زاهد الدنيا وما فيها
عليك الدمع الازرق هل من عيني على الوجنات
الا شفتك على اتفه سبب عشرتك تنهيها
وانا مثلي تولعبك سهير بالدجى مابات
يحبك والمحبه منك يالمحبوب مغليها
واذا تسال عن الورده لك ورد ود الحشى حيات
ورودٍ فتحت لجلك تفوح بريح شاذيها
ورسايلك القديمه باقيه ياسيد الخدرات
الامن غبت عن عيني تشوقني معانيها
وتموت الورده الحمرا وحبك باقي ٍ مامات
تضيع اغلا الرسايل والغلا في قلب راعيها