تخيلوا البنت تخطب الشب يا فرحتنا ....

من طرف **هاني روميو** في 2008-06-15, 17:02

السلام عليكم

تخيلوا البنت تخطب الشب............ يافرحتنا

لو يصير كذا كان؟؟؟

يعني تتفاجأ في يوم وانت قاعد تقرا كتاب وأنواع الأحلام الورديه و سرحان في فارسة احلامك على السيسي الابيض..

الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلهن يبينك. ها وش رايك؟
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة و تقول: ....

الراي رايك والشور شورك يايمه. "قلوب""قلوب"

تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب
ولا تدخن ولا تروح استراحات بنات يعني بنت ماعليها

تقول انت : بس يا يمه هي ما شافتني من اول. انا دايما متلفع بشماغي
تقول امك: هي شافتك و انت نازل من باص المدرسة

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه.

و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف نفسك و تمشط شعرك و شنبك بدلع

تقول : اه اخيرا حسَت و خطبتني

وييجي يوم الخميس ..........
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: يا يبه انا استحي

ابوك يقولك وهو يطق على كتفك و يضحك يا ولد روح لعروسك
تقول انت: يا يبه دايما تحرجني انت
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك ) ...
و تقولها تفضلي....

ثم تضع الصينية بسرعة و يدك على فمك و تضحك و تروح داخل بسرعة

الا اخوانك يستنونك و يقولون: ها وشلون شكلها

تقول انت: تهبل حلوة و دمها خفيف
الا ابوك من المطبخ

لللللللوووولللللوووووشششششششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن
<<< والله وصرتم يالبنات تقولونها
الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

وبعد الزواج...........

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك

و تصلح امك ما بينكم و ترجع الحياة مثل اول.

صدقوني لو صارت ...... مصيبة
[b]